Ons glo dat die grootste vreugde en diepste verhoudinge dikwels in die kleinste oomblikke van die lewe gevind word. By Kleine Dissipels wil ons ouers inspireer om hierdie kosbare oomblikke saam met hul kinders te koester en hulle toe te rus met betekenisvolle hulpmiddels om hul kleintjies van Jesus te leer, hulle te help om Sy stem te leer ken en van kleins af ’n persoonlike verhouding met Hom te bou. Elke Kleine Dissipels-produk word met liefde, gebed en ’n hart van oorgawe geskep, met die begeerte om getrou te bly aan Jesus se stem en die doel wat Hy op ons harte lê. Deur kreatiewe produk-ontwikkeling wil ons kinders se nuuskierigheid oor God aanwakker en gesinne help om saam in geloof te groei. Ons droom is dat elke produk meer sal wees as net ’n speelding of aktiwiteit – dit moet ’n geleentheid wees om Jesus beter te leer ken en om 'n ware Kleine Dissipel te wees!